2015-03-26 14:08:37, 333 ნახვა

---

ზუგდიდის გამგეობის სოციალურ საკითხებზე მომუშავე კომისია ბენეფიციარების მდგომარეობას გაეცნო

ზუგდიდის მუნიციპალიტეტის გამგეობის სოციალურ საკითხებზე მომუშავე კომისიის წევრები და კომისიის თავმჯდომარე გიზო სართანია ადგილზე გაეცნენ იმ ბენეფიციარების მდგომარეობას, რომლებსაც მომვლელის თაობაზე განცხადება მუნიციპალიტეტის გამგეობაში ჰქონდათ შეტანილი.

როგორც „ექსპრესნიუსს“ ზუგდიდის გამგეობიდან აცნობეს, კომისია სოფელ რუხსა და რიყეში შეზღუდული შესაძლებლობების მქონე პირთა მდგომარეობას გაეცნო და განმცხადებლებს პროგრამით სარგებლობისთვის საჭირო კრიტერიუმები გააცნო.

კომისიის თავმჯდომარის გიზო სართანიას განმარტებით, მომვლელის პროგრამა ითვალისწინებს შეზღუდუდლი შესაძლებლობების მქონე პირთა სოციალური დაცვის ხელშეწყობას. ზემოთაღნიშნული პროგრამით სარგებლობა შეუძლიათ მხოლოდ იმ შშმ პირებს, რომლებსაც დამოუკიდებლად გადაადგილება არ შეუძლიათ.

პროგრამის განხორციელება მუნიციპალიტეტის გამგეობამ მიმდინარე წლიდან დაიწყო.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი