მთიან ყარაბაღში ურთიერთშეთანხების საფუძველზე საბრძოლო მოქმედებები შეწყდა, თუმცა ზავის რეჟიმი ჯერ არ ამოქმედებულა, - ამის შესახებ ყარაბაღის ე.წ თავდაცვის სამინისტროს პრეს-სპიკერმა განაცხადა.

მოგვიანებით ეს ინფორმაცია აზერბაიჯანულმა მხარემაც დაადასტურა.

გვიან ღამით სომხეთის თავდაცვის მინისტრმა განაცხადა, რომ მხარეებს შორის ცეცხლის შეწყვეტის შესახებ შეთანხმება მიღწეულია. თუმცა ზავის რეჟიმი ჯერჯერობით არ მოქმედებს.

მთიან ყარაბაღში განვითარებულ მოვლენებს, ამერიკის სახელმწიფო დეპარტამენტის წარმომადგენელი მარკ თონერიც გამოეხმაურა. თონერმა ასევე დაადასტურა, რომ მოლაპარაკება მხარეებს შორის შედგა.

მანვე იმედი გამოთქვა, რომ ზავის რეჟიმი უახლოეს საათებში ამოქმედდება.

შეგახსენებთ, რომ ცეცხლი გუშინ 12 საათის მერე შეწყდა. კონფლიქტი კი 2 აპრილს დაიწყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს