ქედის მუნიციპალიტეტის საკრებულოს სხდომათა დარბაზში, დამამთავრებელი სკოლის მოსწავლეებისთვის CinéDOC-Tbilisi-ს პლატფორმის მოკლემეტრაჟიანი დოკუმენტური ფილმის "პუნამის ბედისწერა" ჩვენება და დისკუსია გაიმართა, რომელსაც მოწვეული ტრენერი თინათინ გიორგაძე უძღვებოდა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, გოგონებისთვის განათლების ხელშეწყობის აუცილებლობა, ნაადრევი ქორწინება, გენდერული უთანასწორობა, სიღარიბე - ეს ის ძირითადი საკითხებია, რომლებიც დისკუსიის მსვლელობისას გამოიკვეთა. მოსწავლეებმა ფილმი რეალურ კონტექსტს დააკავშირეს და გამოწვევების დაძლევის გზებზე იმსჯელეს. ღონისძიების დასასრულს მოსწავლეებს წიგნები გადაეცათ.

"დისკუსიას საკრებულოს თავმჯდომარე ამირან ცინცაძე, საკრებულოს წევრი ოთარ ხარაძე და განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის უფროსი ეკატერინე ქაჯაია ესწრებოდნენ.

ღონისძიება ქედის მუნიციპალიტეტის მერიის გენდერული თანასწორობის საბჭოს და ქალთა ოთახის ორგანიზებით გაიმართა",- აღნიშნულია ქედის მუნიციპალიტეტის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ