„ალბათ, გარკვეულწილად ამის საჭიროება არსებობდა, რომ ჯარი მთლიანად პროფესიონალურ ყაიდაზე გადასულიყო “,-ასე გამოეხმაურა „ექსპრესნიუსთან“ საუბარში საერთაშორისო და უსაფრთხოების კვლევის ცენტრის ხელმძღვანელი, სამხედრო ექსპერტი ნიკა ჩიტაძე თავდაცვის სამინისტროს ახალ ბრძანებას, რომლის თანახმადაც უწყება დღეიდან ჯარში სავალდებულო გაწვევას აღარ განახორციელებს.

ექსპერტმა ქვეყანაში ეფექტური სარეზერვო სამხედრო სისტემის არსებობაზე ისაუბრა და აღნიშნა, რომ ორ-სამთვიანი სამხედრო პროფესიონალური მომზადება ახალგაზრდებისთვის  აუცილებელია.

„გარკვეულწილად ალბათ ამის საჭიროება არსებობდა, რომ ჯარი მთლიანად პროფესიონალურ ყაიდაზე გადასულიყო. აქ არ  არის საუბარი ნატოს სტანდარტებზე.  ამ შემთხვევაში ჯარში გაწვევა არ გაწვევის საკითხი  არ გახლავთ ნატოს კონკრეტული მოთხოვნა თუ სტანდარტი. უბრალოდ, საქართველოსთან მიმართებაში ასე მგონია, რომ პროფესიულ სამხედროებს, რომელთაც შედარებით მაღალი ანაზღაურება ექნებათ  და გააცნობიერებენ, რომ მათი მიზანი არის სამხედრო ფორმის ტარება და სამხედრო სამსახურში ყოფნა, უფრო მაღალი მოტივაცია ექნებათ აიმაღლონ საკუთარი სამხედრო  კვალიფიკაცია სამხედრო სამსახურში სრულყოფილი ჩართვის მიზნით.  მიმაჩნია, რომ ქვეყანაში  ეფექტური სარეზერვო სისტემა  უნდა არსებობდეს. ქვეყანაზე სამხედრო თავდასხმის შემთხვევაში მიუხედავად ყველაფრისა, შეიძლება გაუქმდეს სავალდებულო გაწვევა, მაგრამ ორ-სამ თვიანი სამხედრო პროფესიონალური მომზადება ახალგაზრდებს აუცილებლად ესაჭიროებათ. ასე ვთქვათ, დაწყებითი სამხედრო ცოდნის მიღების მიზნით.  ეს არის აუცილებელი, მაგრამ მეორეს მხრივ ბევრია დამოკიდებული  იმაზე, თუ როგორ  იმუშავებს ქვეყნის  სარეზერვო სისტემა“,-განაცხადა ჩიტაძემ. 

ცნობისთვის, თავდაცვის სამინისტრი დღეიდან ჯარში სავალდებულო გაწვევას აღარ განახორციელევს.

შესაბამის ბრძანებას თავდაცვის მინისტრმა თინა ხიდაშელმა ხელი დღევანდელ პრესკონფერენციაზე მოაწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო