ნატო–ში საქართველოს მუდმივ წარმომადგენლის თანამდებობაზე ალექსანდრე მაისურაძის კანდიდატურაა წარდგენილი. 

ამის შესახებ საგარეო საქმეთა სამინისტროს სპიკერმა დავით კერესელიძემ გუშინ გამართულ ბრიფინგზე განაცხადა. 

მისივე ინფორმაციით, ალექსანდრე მაისურაძემ სამინისტროში მუშაობა  1998 წელს დაიწყო  და მისი საქმიანობა დაკავშირებული იყო  უსაფრთხოების საკითხებთან და საქართველო-ნატოს ურთიერთობებთან.

კერძოდ 2008-2012 წლებში იყო ნატოსთან საქართველოს წარმომადგენლის მოადგილე. 2005-2008 წლებში მუშაობდა უსაფრთხოების პოლიტიკისა და ევროატლანტიკური ინტეგრაციის დეპარტამენტის დირექტორის მოადგილედ შემდეგ დირექტორად.

მანამდე 2004 წლის ივლისიდან 2005 წლის იანვრამდე იყო უსაფრთხოების პოლიტიკისა და ევროატლანტიკური ინტეგრაციის დეპარტამენტის, ახალი საფრთხეებისა და შეიარაღებაზე კონტროლის სამმართველოს უფროსი. 2012 წლის თებერვლიდან დღემდე კი მუშაობს ავსტრიის რესპუბლიკაში საქართველოს საელჩოს და ევროპის უსაფრთხოებისა და თანამშრომლობის ორგანიზაციასა და ქ. ვენაში განლაგებულ საერთაშორისო ორგანიზაციებში საქართველოს მუდმივი წარმომადგენლის მოადგილედ. 

„ალექსანდრე მაისურაძე, როგორც ქართულ დიპლომატიაში, ასევე ექსპერტულ წრეებში ცნობილია, როგორც თავისი საქმის მაღალი პროფესიონალი და ჩვენ დარწმუნებული ვართ მისი მოღვაწეობა ალიანსში, როგორც საქართველოს მუდმივი წარმომადგენლის იქნება ძალზედ ნაყოფიერი. ალექსანდრე მაისურაძეს ჰყავს მეუღლე და სამი შვილი. იგი თავისუფლად ფლობს ინგლისურ, ესპანურ და რუსულ ენებს“, – განაცხადა კერესელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი