თბილისის სახელმწიფო უნივერსიტეტის პირველ კორპუსთან შეკრებილი სტუდენტები მსვლელობით საქართველოს ტექნიკური უნივერსიტეტის მეხუთე კორპუსთან მივიდნენ. 

საქართველოს ტექნიკურ უნივერსიტეტთან ასევე საპროტესტო აქცია მიმდინარეობს - სტუდენტების თქმით, ისინი ქართული ოცნების მიერ დაანონსებულ რეფორმას ერთად გააპროტესტებენ. 

აქციის მონაწილეები აპროტესტებენ ქართული ოცნების გადაწყვეტილებას, რომლის თანახმადაც, თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება.

დღეს თსუ-ს სტუდენტებმა უნივერსიტეტთან მიმდინარე აქციაზე რექტორ ჯაბა სამუშიასთან შეხვედრა მოითხოვეს. ისინი აცხადებენ, რომ პროტესტს იქამდე გააგრძელებენ, ვიდრე რექტორი მათ არ შეხვდება. 

ქართული ოცნების განათლების მინისტრმა გივი მიქანაძემ დღევანდელ ბრიფინგზე თქვა, რომ უნივერსიტეტების გაერთიანების პროცესში შეიქმნება მართვის დროებითი ორგანო და დაინიშნება რექტორისა და რექტორის მოადგილეების მოვალეობების შემსრულებლები, რომლებიც რეორგანიზაციის პროცესს წარმართავენ.

"მივიღეთ გადაწყვეტილება თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ.

ეს იქნება საწინდარი, რომ თბილისის სახელმწიფო უნივერსიტეტი გახდეს რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობოს საერთაშორისო რეიტინგი. უნივერსიტეტების გაერთიანების მიზნით, მინისტრის ბრძანებით, შეიქმნება მართვის დროებითი ორგანო, საბჭო და დაინიშნება რექტორისა და რექტორის მოადგილეების მოვალეობების შემსრულებლები, რომლებიც წარმართავენ რეორგანიზაციის პროცესს"- თქვა გივი მიქანაძემ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი