დიდმა ბრიტანეთმა უკრაინას დახმარების ახალი პაკეტი გამოუყო, - ამის შესახებ დიდი ბრიტანეთის საგარეო საქმეთა მინისტრმა, დევიდ ლემიმ კიევში, უკრაინელ კოლეგასთან, ანდრეი სიბიგასთან ერთად გამართულ პრესკონფერენციაზე განაცხადა.

„დღეს მე უკრაინისთვის 55 მილიონი ფუნტის ღირებულების გაერთიანებული სამეფოს მხარდაჭერის შესახებ ვაცხადებ, რომელიც ჩვენს ქვეყნებში მდგრადობასა და ეკონომიკურ ზრდას ხელს შეუწყობს“, - განაცხადა დევიდ ლემიმ.

დიდი ბრიტანეთის მიერ გამოყოფილი დახმარების პაკეტი უკრაინის სოციალური, ბიზნესისა და ენერგეტიკული სფეროების მხარდაჭერას ითვალისწინებს.

ამასთან, დევიდ ლემიმ პრესკონფერენციაზე განაცხადა, რომ რუსეთი მოლაპარაკებების შესახებ სერიოზულად არ არის განწყობილი.

„ჩვენ ვერ ვხედავთ, რომ რუსეთი მოლაპარაკებებისა და მშვიდობის შესახებ სერიოზულად არის განწყობილი. პირობები, რომელიც პუტინმა გასულ წელს დააწესა, არ წარმოადგენს იმის საფუძველს, რომლის მიხედვითაც სუვერენულმა სახელმწიფომ შეიძლება მოლაპარაკებები დაიწყოს“, - აღნიშნა დიდი ბრიტანეთის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება