უკრაინამ, ინფრასტრუქტურის აღდგენისთვის, ევროკავშირისგან 150 მილიონი ევრო მიიღო. ამის შესახებ უკრაინის პრემიერ-მინისტრი დენის შმიგალი სოციალურ ქსელ X-ზე წერს.

შმიგალი ევროკომისიის პრეზიდენტსა და ევროკავშირის ქვეყნებს მადლობას უხდის.

„უკრაინამ ევროკავშირისგან 150 მილიონი ევრო მიიღო. თანხები მოხმარდება ბავშვების სასკოლო კვებას, სოფლის მეურნეობის უწყვეტი წარმოების მხარდაჭერას და ინფრასტრუქტურის აღდგენას. ეს არის მეორე ტრანში უკრაინასა და ევროკავშირს შორის შეთანხმების ფარგლებში სწრაფი რეკონსტრუქციის მხარდასაჭერად, რომელიც ითვალისწინებს 300 მილიონი ევროს გამოყოფას. მადლობელი ვარ ევროკომისიის პრეზიდენტის, ურსულა ფონ დერ ლაიენის, ევროკავშირის ქვეყნებისა და ინსტიტუტების, მნიშვნელოვანი მხარდაჭერისთვის უკრაინის აღსადგენად, ეკონომიკური დახმარებისა და უკრაინელებისთვის აუცილებელი საცხოვრებელი პირობების უზრუნველყოფისთვის“,- წერს შმიგალი.  

ავტორი: ექსპრესნიუსი,

სოციალური ქსელები

ზელენსკი ორბანის არჩევნებში დამარცხებაზე: სიძულვილით გამარჯვება შეუძლებელია

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა