„ბევრ საკითხთან დაკავშირებით გარკვეული პირების პოზიცები უცნობია. კოორდინაცია საჭიროა“, – ასე გამოეხმაურა საპარლამენტო უმრავლესობის წევრი ელისო ჩაფიძე უზენაესი სასამართლოს თავმჯდომარეობის კანდიდატურის შერჩევის პროცესთან დაკავშირებით დავით საგანელიძის მიმართ უმრავლესობის წევრების  პრეტენზიებს.
მისივე თქმით, კოალიცია „ქართული ოცნება“  არავის პასუხისმგებლობის საკითხის დაყენებას არ აპირებს და ერთიანობას შეინარჩუნებს.
 „ვფიქრობ, რომ ამ სიტუაციაში კოორდინაცია არის ნაკლები.  სამწუხაროდ,  ხშირად ბევრ საკითხთან დაკავშირებით  გარკვეული პირების პოზიციები უცნობია – რაც ჩვენ გვჭირდება, რათა უმრავლესობაში გვქონდეს ერთიანი პოზიცია. აქ საუბარია იმაზე, რომ ჩვენ გვქონდეს კოორდინაცია და არავის პასუხისმგებლობის საკითხის დაყენებას არ ვაპირებთ, არც მტრის გახარებას არ ვაპირებთ.  ჩვენ ერთიანობას შევინარჩუნებთ და მშვენიერი ურთიერთობა გვექნება“, – აღნიშნა ჩაფიძემ.
ცნობისთვის, საქართველოს უზენაესი სასამართლოს თავმჯდომარის კანდიდატურის შერჩევის პროცესთან დაკავშირებით, გუშინ  საპარლამენტო უმრავლესობის 16-მა დეპუტატმა განცხადება გაავრცელა. ისინი პრეზიდენტ მარგველაშვილთან კონსულტაციების შედეგად შეჯერებულ კრიტერიუმებს აპროტესტებენ და მიიჩნევენ, რომ  კანდიდატურის არაკონსტიტუციური კრიტერიუმით შერჩევა ხდება. ამასთან, მათივე მტკიცებით, უზენაესი სასამართლოს თავმჯდომარეობის კანდიდატთა შერჩევის დამატებითი კრიტერიუმები უმრავლესობის ფარგლებში არც განხილული და არც შეთანხმებული არ ყოფილა. " უმრავლესობის წევრები ამის შესახებ პოსტ-ფაქტუმ ვიგებთ",-ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპას დაახლოებით ექვსი კვირის საავიაციო საწვავის მარაგი აქვს დარჩენილი

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო