2 ქართველ ძიუდოისტს, ვაჟა მარგველაშვილს და ლაშა შავდათუაშვილს ​კოვიდრპროტოკოლის დარღვევის გამო ოლიმპიური სოფელი დაატოვებინეს. 

ოლიმპიური კომიტეტის სპიკერის განცხადებით, წესების მიხედვით, ათლეტებს საცხოვრებელი ტერიტორიის დატოვება მხოლოდ სპეციალური ნებართვით შეეძლოთ და შეზღუდულ არეალზე შეეძლოთ. 

სპორტსმენებს ეკრძალებათ ქალაქში სეირნობა და ტურისტული ადგილების, მაღაზიების, რესტორნების თუ სავარჯიშო დარბაზების მონახულება. მათ არ უნდა იმგზავრონ საზოგადოებრივი ტრანსპორტით. დარღვევა აკრედიტაციის შეწყვეტას, ჯარიმებს და დისკვალიფიკაციას ითვალისწინებს. 

თუმცა, ქართველმა სპორტსმენებმა, რომლებსაც საქართველოს ეროვნული ნაკრების ფორმები ეცვათ, ტოკიოში, ტოკიო თაუერთან მრავალ ადამიანთან ერთად ფოტოები გადაიღეს. 

ოლიმპიური კომიტეტის სპიკერის განცხადებით, ეს ქმედება წესების სასტიკი დარღვევაა. 

ლაშა შავდათუაშვილმა და ვაჟა მარგველაშვილმა ტოკიოს ოლიმპიადაზე ასპარეზობა ვერცხლის მედლებით დაასრულეს. 

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა