ბრიტანულ-სლოვაკური საინვესტიციო ფონდის InfraPartners Management-ის დაფინანსებით, შესაძლოა 20 წლის შემდეგ, მხატვრული ფილმის „რაჭა, ჩემო სიყვარულო“ ახლებური ვერსია გადაიღონ.

როგორც „ექსპრესნიუსს“ საპარტნირო ფონდში განუცხადეს, ფილმის გადაღება მხოლოდ იდეის დონეზეა და მასში საპარტნიორო ფონდი მხოლოდ იმ შემთხვევაში ჩაერთვება თუ ფილმიდან კომერციული მოგება შემოვა.

InfraPartners Management-მა გასულ კვირას საპარტნიორო ფონდთან ურთიერთგაგების მემორანდუმი გააფორმა. ბრიტანულ-სლოვაკური საინვესტიციო ფონდი საქართველოში ინფრასტრუქტურისა და ეკონომიკის სხვადასხვა სექტორებში ერთობლივი საინვესტიციო პროექტების განხორციელებას გეგმავს. კერძოდ InfraPartners Management-ი საპარტნიორო ფონდთან და კერძო ინვესტორთან ერთად მწვანე ქალაქის პროექტის დაფინანების შესაძლებლობას განიხილავს.

მემორანდუმის ხელმოწერის ცერემონიაზე InfraPartners Management-მა ცნობილი ქართული მხატვრული ფილმის „რაჭა, ჩემო სიყვარულის“ ახლებური ვერსიის გადაღების დაფინანსების სურვილი გამოთქვა, ბრიტანულ-სლოვაკური საინვესტიციო ფონდი ინიციატივის განხორციელების შემთხვევაში პროექტს ჰოლივუდის სცენარისტებს დაუკვეთავს.

საპარტნიორო ფონდის აღმასრულებელი დირექტორი დავით საგანელიძე სლოვაკური კომპანიის ინიციატივას მიესალმება და თუკი InfraPartners Management-ის იდეა კომერციული პროექტის სახეს მიიღებს და ქვეყნისთვის მომგებიანი პროდუქტი გახდება, არ გამორიცხავს   ფონდი პროექტის დაფინანსებაში ჩაერთოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი