ინგლისური ალტერნატიული როკ-ჯგუფი Placebo, Tbilisi Open Air-იდან მიღებულ შემოსავალს სტიქიით დაზარალებულთა დახმარების ფონდში გადარიცხავს.

ამის შესახებ ჯგუფმა დღეს გამართულ პრესკონფერენციაზე განაცხადა. 

“არ გვინდოდა საქართველოში ჩამოვსულიყავით თქვენ მიერ განცდილი ტრაგედიიდან ორ კვირაში და გვეთქვა – როგორ გვეცოდებით, ეს რა დაგმართნიათ – ეს არაეთიკური იქნებოდა ჩვენგან. ამიტომ, მთელს შემოსავალს, რასაც ხვალინდელი კონცერტიდან ავიღებთ, თბილისის დახმარების ფონდს ჩავურიცხავთ”, - განაცხადა ჯგუფის ერთ-ერთმა წევრმა ბრაიან მოლკომ.

ცნობისთვის, 14 ივნისს, ჯგუფ Placebo-ს ბასისტმა, შტეფან ოლსდალმა, ინსტაგრამში ბეჰემოტის ფოტო გამოაქვეყნა წარწერით - "ეს არის თავისუფალი ბეჰემოტი თბილისის ქუჩებში. პლაცებო იქ დაუკრავს რამდენიმე კვირაში. ერთი სული მაქვს, როდის შევუერთდები ცირკს". 

მოგვიანებით მან ფოტო წაშალა და მის ნაცვლად ახალი ფოტო გამოაქვეყნა, რომლის აღწერაშიც საკუთარი საქციელი განმარტა.
 
"მე ვერ გავიაზრე მომხდარის რეალური ეფექტი“, - წერს შტეფან ოლსდალი.
 
შეგახსენებთ, 13–14 ივნისს თბილისში მომხდარ სტიქიას 19 ადამინი შეეწირა, 3-ის პოვნა კი, ამ დრომდე ვერ ხერხდება. ქალაქისთვის მიყენებულმა ზარალმა 100 მილიონ ლარს გადააჭარბა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა