საქართველოს პარლამენტის თავმჯდომარე დავით უსუფაშვილმა ბიუროს სხდომაზე კომიტეტებს, რომლებსაც საფინანსო ზედამხედველობის სააგენტოს ეროვნული ბანკის შემადგენლობიდან გამოყოფის შესახებ კანონპროექტი განსახილველად გადაეცა, საკითხის განხილვებში ყველა დაინტერესებული პირის ჩართვა სთხოვა. უსუფაშვილის თქმით, არანაირი გადაწყვეტილება ამ ეტაპზე მიღებული არ არის, მხოლოდ საკითხის განხილვა დაიწყო და შესაბამისად, ყველა მოსაზრების მოსმენა მნიშვნელოვანია. "საკმაოდ ინტერესი გამოიწვია ამ საკითხმა, გასაგებია მნიშვნელოვან თემას ეხება.ამიტომ, ყველა კომიტეტს, ვისაც ეს საკითხი განსახილველად გადაეცა, დამატებით მინდა ვთხოვო, რომ ყველა დაინტერესებული პირი ჩავრთოთ განხილვებში, მოვისმინოთ ყველა პოზიცია იმისათვის, რომ მივიღოთ სწორი და გამართული გადაწყვეტილებები.ჩვენ მხოლოდ დავიწყეთ ამ პროექტის განხილვა ჯერ არაფერი დაგვისრულებია, არ გადაგვიწყვეტია სწორედ იმიტომ, რომ გვინდა მოვისმინოთ ყველა მოსაზრებები",-განაცხადა დავით უსუფაშვილმა. კანონპროექტის განსახილველად წამყვან კომიტეტად საფინანსო- საბიუჯეტო კომიტეტი, სავალდებულო დასკვნისთვის კი, დარგობრივი და ეკონომიკიური პოლიტიკის კომიტეტი, იურიდიულ საკითხთა კომიტეტი და საპროცედურო საკითხთა და წესების კომიტეტი დასახელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი