2015-04-01 13:46:51, 386 ნახვა
საზოგადოება
შსს-ს მომსახურების სააგენტოს გაერო-ს წარმომადგენლები ეწვივნენ
შინაგან საქმეთა სამინისტროს მომსახურების სააგენტოს ხელმძღვანელებმა გაერთიანებული ერების ორგანიზაციაში შემავალი ქვეყნების მუდმივ წარმომადგენელთა დელეგაციას უმასპინძლეს.
მომსახურების სააგენტოს ინფორმაციით, გაეროში სხვადასხვა ქვეყნების წარმომადგენლებმა სააგენტოს სარეგისტრაციო დარბაზი დაათვალიერეს და მართვის მოწმობის თეორიული და პრაქტიკული გამოცდის პროცესს დაესწრნენ. ერთ-ერთმა სტუმარმა პრაქტიკული გამოცდის ავტომობილით რამდენიმე ელემენტი თავად გაიარა.
უცხოელ სტუმრებს სააგენტოსგან საჩუქრად სახელობითი სახელმწიფო სანომრე ნიშნები გადაეცათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
