დაბა შუახევის ოთხი სოფელი - სომლეთი, მოქნილეთი, ლაკლაკეთი და წაბლანა ცენტრალურ გზას ვეღარ უკავშირდება.

როგორც „ექსპრესნიუსს“  დაბა შუახევის ადმინისტრაციულ სამსახურში განუცხადეს,  ძლიერი წვიმის შედეგად, უჩამბის ადმინისტრაციულ ერთეულში წყალმა ოთხი ხიდი წაიღო.

მათივე ინფორმაციით, სტიქიას მსხვერპლი არ მოჰყოლია.

„წუხელ სამი საათის განმავლობაში ძლიერი წვიმა იყო, ზოგან სეტყვაც. ადიდებულმა მდინარემ წაიღო ხიდები. განსაკუთრებით ძლიერი სტიქია იყო უჩამბის ადმინისტრაციულ ერთეულში. ამ  ერთეულში  წყალმა ოთხი, დიდი ხიდი წაიღო. ოთხი სოფელი, სომულეთი, მოქნილეთი, ლაკლაკეთი და წაბლანა ცენტრალურ გზას ვეღარ უკავშირდება. ახლა უკვე გამოიდარა. ამ დროისთვის დაზიანებული გზების აღდგენითი სამუშაოები მიმდინარეობს“, - განუცხადეს „ექსპრესნიუსს“ დაბა შუახევის მუნიციპალიტეტის ადმინისტრაციულ სამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება

ზურაბიშვილი აბასთუმანის ცის დახურვაზე - დიქტატურა საქართველოში რუსულ მოდელსაც კი აჭარბებს