2016-04-11 14:19:25, 1088 ნახვა
მსოფლიო
რუსეთში თვითმკვლელმა ტერორისტმა თავი აიფეთქა
რუსეთში თვითმკვლელმა ტერორისტმა თავი აიფეთქა. აფეთქება სტავროპოლის მხარეში, პოლიციის შენობასთან მოხდა.
როგორც რუსული საინფორმაციო სააგენტოები შინაგან საქმეთა სამინისტროზე დაყრდნობით იუწყებიან, ორი მათგანი პოლიციის თანამშრომლებმა გაანადგურეს, მესამემ კი, თავი აიფეთქა. წინასწარი ინფორმაციით, მსხვერპლთა შორის პოლიციის თანამშრომლები და სამოქალაქო პირები არ არიან.
ეს არ არის პირველი თავდასხმა პოლიციელებზე. სამხრეთ რუსეთში, გასულ კვირასაც მოხდა აფეთქება.
შეგახსენებთ, 29 მარტს დაღესტანში აფეთქება იმ გზაზე მოხდა, რომელზეც პოლიციის კოლონა მოძრაობდა. აფეთქებამ შინაგან საქმეთა სამინისტროს თანამშრომლის სიცოცხლე იმსხვერპლა, დაიჭრა ორი ადამიანი. 29 მარტის აფეთქებაზე პასუხისმგებლობა "ისლამურმა სახელმწიფომ" აიღო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
