ქართული ოცნების დეპუტატი ლევან მაჭავარიანი ალეკო ელისაშვილის დაკავების საქმეზე ელჩებს ადანაშაულებს და ამბობს, რომ ძალადობას ისინი ახალისებენ.

"რა თქმა უნდა, ამ ყველაფერში დამნაშავეები არიან ის ევრობიუროკრატები და ის ელჩები, რომლებიც ახალისებენ ძალადობას საქართველოში.
ამ კონკრეტულ შემთხვევაში, ძალიან საინტერესოა, თუ ვისი მითითებით მოქმედებდა ბატონი ელისაშვილი, რომელიც ჩვეულებრივი აგენტია. არის სამი სახის აგენტი: სასარგებლო იდიოტი, აგენტი, რომელიც ფულს იღებს და აგენტი, რომელზეც კომპრომატები გააჩნიათ. ელისაშვილი არა მგონია, რომ სასარგებლო იდიოტი იყოს. საინტერესოა, დანარჩენი ორი ოფციიდან რომელმა აიძულა იმ ნაბიჯის გადადგმა, რა ნაბიჯიც მან გადადგა. ბატონი ელისაშვილი არის ჩვეულებრივი კრიმინალი და ამ ევრობიუროკრატების გათვალისწინებით, იგი იმყოფებოდა გარეთ. რაც დღეს მოხდა, მას იმედი ჰქონდა, რომ რაც დღეს მოხდა, ვერავინ ვერ წაასწრებდა, თუმცა სამართალდამცავებმა იმოქმედეს მაღალი პროფესიონალიზმით და, რა თქმა უნდა, აღკვეთეს ის (პოლიტიკურად რომ შევაფასო) ტერორისტული აქტი, რომელსაც ის გეგმავდა"- ამბობს მაჭავარიანი. 

შინაგან საქმეთა სამინისტროს მტკიცებით, ალეკო ელისაშვილმა თბილისის საქალაქო სასამართლოს კანცელარიის შენობის დაწვა სცადა. უწყების კადრებში ჩანს, რომ ის ნაცემია.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება