ლიეტუვის პრეზიდენტის გიტანას ნაუსედას თქმით, რუსულმა სამხედრო თვითმფრინავებმა ლიეტუვის საჰაერო სივრცე დაარღვიეს. ლიეტუვის საჰაერო სივრცეში 2 რუსული სამხედრო თვითმფრინავი 18 წამის განმავლობაში დაფრინავდა.

ლიეტუვა აცხადებს, რომ რუსული Су-30-ის ტიპის გამანადგურებელი და Ил-78-ის ტიპის საწვავის შესავსები ტანკერი, შესაძლოა, საწვავის შევსების საწვრთნელ მისიაზე იყვნენ, რა დროსაც ქვეყნის საჰაერო სივრცეში კალინინგრადის ოლქიდან დაახლოებით 700 მეტრით შეიჭრნენ და ტერიტორია 18 წამში დატოვეს.

გიტანას ნაუსედა ამბობს, რომ ეს საერთაშორისო სამართლისა და ლიეტუვის ტერიტორიული მთლიანობის აშკარა დარღვევაა.

"ეს კიდევ ერთხელ ადასტურებს ევროპის საჰაერო თავდაცვის მზაობის გაძლიერების მნიშვნელობას. ლიეტუვის საგარეო საქმეთა სამინისტრო რუსეთის საელჩოს წარმომადგენლებს დაიბარებს ამ უგუნური და სახიფათო საქციელისთვის პროტესტის გამოსახატად", - განაცხადა მან.

ამის საპასუხოდ, NATO-ს ბალტიის საჰაერო საპატრულოდან  ორი ესპანური საბრძოლო თვითმფრინავი აფრინდა, რომლებიც ახლაც საჰაერო პატრულირებას ახორციელებენ. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი