ბალდა კანიონის შენარჩუნების მოძრაობა იუწყება, რომ ბალდა კანიონის ინვესტორი მეორე სისხლის სამართლის საქმეში დამნაშავედ ცნეს.

„სენაკის სასამართლოში Canyon 350-ის დამფუძნებლისა და მისი თანამშრომლების წინააღმდეგ მეორე სისხლის სამართლის საქმის დასკვნითი ეტაპი გაიმართა.

სასამართლომ განიხილა ინვესტორის მიერ მოძრაობის წევრზე ჯგუფური თავდასხმის ფაქტი.

კომპანიის დირექტორი, გიორგი მერკვილაძე, უკვე დამნაშავედ ცნეს ადგილობრივი მაცხოვრებლის მიმართ ფიზიკური ძალადობის კიდევ ერთ ფაქტში.

ეს სასჯელი ასევე ძალაში დატოვა სააპელაციო სასამართლომ.

ბალდა კანიონი 40 წლით იჯარით არის გაცემული იმ პირებზე, რომლებიც ფიზიკურად და სიტყვიერად ესხმიან თავს ადგილობრივ მაცხოვრებლებს და სოფელი უკვე 667 დღეა ამ ტერორში ცხოვრობს.“

მერკვილაძესთან ერთად, სასამართლომ გიორგი ჯანაშია და გუჯუ გურგენიძე დამნაშავედ ცნო მოძრაობის წევრის, თაზო რუხაიას მიმართ ჯგუფური ძალადობის საქმეში.

აქტივისტმა სალომე სიმონიამ „პუბლიკას“ განუცხადა, რომ სენაკის რაიონულმა სასამართლომ თითოეულს 2000₾ ჯარიმა დააკისრა.

ინციდენტი 2023 წლის 2 ნოემბერს მოხდა. გამოძიება სისხლის სამართლის კოდექსის 126-ე მუხლის პირველი ნაწილის „ბ“ პუნქტის პრიმა პუნქტით ჩატარდა.

საინტერესოა, რომ თბილისში გამართული საპროტესტო აქციების რეგულარული მონაწილეები, თორნიკე ტოშხუა და მინდია შერვაშიძე, „ქართული ოცნების“ პროვოკატორის, ბექა გოცირიძის საჩივრის შემდეგ, ცოტა ხნის წინ იმავე მუხლით პატიმრობა მიუსაჯეს.
მუხლი ითვალისწინებს სასჯელს ორ წლამდე თავისუფლების აღკვეთის სახით.

5 მარტს, კომპანია „კანიონ 350“-ის ინვესტორი და დირექტორი გიორგი მერკვილაძე სენაკის რაიონულმა სასამართლომ სისხლის სამართლის საქმეზე დამნაშავედ ცნო.

„ბალდის“ მოძრაობის წევრის მიმართ ფიზიკური ძალადობისთვის, მას სისხლის სამართლის კოდექსის იმავე მუხლის, 126-ე მუხლის პირველი ნაწილის მიხედვით, ჯარიმა დაეკისრა.

გიორგი მერკვილაძე რუსეთის ფედერაციაში ქართული ინტერესების სექციის ხელმძღვანელის, დიპლომატიური გამოცდილების არმქონე ბიზნესმენის, მამუკა მერკვილაძის ძმაა, რომელიც ამავდროულად რუსეთში ქართული დიასპორის ვიცე-პრეზიდენტია. ორივე მათგანი საქართველოს და რუსეთის მოქალაქეობის მფლობელია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი