რუსეთის საგარეო საქმეთა სამინისტროს პრესსპიკერის, მარია ზახაროვას განცხადებით, უკრაინის პრეზიდენტი, ვოლოდიმირ ზელენსკი და „მისი ექსტრემისტული ბანდა“ სამშვიდობო ძალისხმევას ძირს უთხრიან.

„რა „ზავზე“ შეიძლება ვისაუბროთ კიევის რეჟიმის მხრიდან, როცა ბანკოვა [ქუჩა კიევის ცენტრალურ ნაწილში] პირდაპირ ეთერში ტერორისტულ თავდასხმებს გეგმავს! ეს კიდევ ერთი დასტურია იმისა, რომ სამშვიდობო ძალისხმევას ძირს სწორედ ზელენსკი და მისი ექსტრემისტული ბანდა უთხრიან. ყოყოჩობენ კიდეც ამით. სწორედ ამას აკეთებენ კლასიკური ტერორისტები,“ - აღნიშნა ზახაროვამ.

ამ კომენტარით რუსეთის საგარეო საქმეთა სამინისტროს პრესსპიკერი გამოეხმაურა უკრაინის პრეზიდენტის, ვოლოდიმირ ზელენსკის გუშინდელ განცხადებას, რომლის თქმითაც, რუსები შეშფოთებულნი არიან იმით, თუ როგორ ჩაივლის გამარჯვების 80 წლის იუბილესთან დაკავშირებით დაგეგმილი აღლუმი.

„ახლა ისინი ღელავენ, რომ მათი აღლუმი კითხვის ნიშნის ქვეშ დგას და სწორადაც ღელავენ. მაგრამ უნდა იდარდონ იმაზე, რომ ეს ომი კვლავ გრძელდება. მათ ომი უნდა დაასრულონ“, - აღნიშნა ზელენსკიმ.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება