საქართველოს პრეზიდენტის გიორგი მარგველაშვილის განცხადებით, უზენაესი სასამართლოს თავმჯდომარეობის კანდიდატის შერჩევის პროცესმა, პრეზიდენტის ინსტიტუტისა და საზოგადოების თანამშრომლობის ფორმატი კიდევ უფრო გააღრმავა.

ამის შესახებ გიორგი მარგველაშვილმა უზენაესი სასამართლოს თავმჯდომარის თანამდებობაზე დასახელებულ კანდიდატებთან შეხვედრისას განაცხადა, რომელიც ავლაბრის რეზიდენციაში მიმდინარეობს.

 „ მე მინდა ასევე დიდი მადლობა ვუთხრა იმ აქტიურ საზოგადოებრივ ჯგუფებს, რომელიც ფაქტიურად დგას თქვენს უკან და თქვენს გვერდით. ესეც ძალიან მნიშვნელოვანი იყო, იმიტომ, რომ არა მხოლოდ იურიდიული საზოგადოება, არამედ შეგვიძლია ვთქვათ, რომ ფართო საზოგადოებრივი და პოლიტიკური მოთამაშეები და ფენები მონაწილეობდნენ ამ პროცესში. თავისთავად ამან კიდევ უფრო მაღალი გახადა სტანდარტი ამ პროცესის და კიდევ უფრო გააღრმავა პრეზიდენტის ინსტიტუტისა და საზოგადოების თანამშრომლობის ფორმატი. მე მადლობა მინდა ვუთხრა მედიასაც, რომელიც მთელი ამ კვირეების განმავლობაში აქტიურად უთმობდა თავის ეთერს და ფართო დისკუსია და ფორუმი გაშალა ჩვენი ქვეყნისთვის ერთ-ერთ უმნიშვნელოვანეს საკითხზე. საკითხზე, რომელიც როგორც არაერთხელ მითქვამს, არის ლოდის საკიდური ჩვენი სახელმწიფოებრიობის, იმიტომ, რომ სასამართლო სისტემის მდგრადობა, სტაბილურობა, ნდობა საზოგადოებისა სასამართლო სისტემის მიმართ, რეალურად სტაბილური პოლიტიკური სისტემის შექმნის გარანტია“, - განაცხადა მარგველაშვილმა.

მისივე თქმით, სასამართლო ხელისუფლების მიმართ ნდობა, ის ფუნდამენტია, რომელზე ჩვენი სახელმწიფოებრიობა ვითარდება.  

„პოლიტიკოსები ბუნებრივია ყოველთვის ვართ დამოკიდებული მიმდინარე მოვლენებზე. ხშირად დამოკიდებული ვართ საზოგადოებრივ აზრზე, მიმდინარე პოლიტიკურ ვითარებებზე, მაგრამ ის, რაც ასტაბილურებს ხშირად ამ ძალიან ცვალებად გარემოებებს, რეალურად არის სასამართლო ხელისუფლება და ნდობა სასამართლო ხელისუფლების მიმართ, რეალურად არის ის ფუნდამენტი, რომელზეც ვითარდება ჩვენი სახელმწიფოებრიობა“, - განცახადა პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო