„საქართველო 500-მდე უკრაინელი ლტოლვილისთვის თავშესაფრის მიცემას გეგმავს“, -ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, მთავრობის სხდომის დასრულების შემდეგ, ჟურნალისტებს განუცხადა.

მისივე შეფასებით, საქართველო უკრაინას სამედიცინო და სხვა კუთხით დიდ დახმარებას უწევს

„მე მივაწოდე მთავრობას ინფორმაცია იმის შესახებ, რომ საქართველოში ამ დროისთვის უკრაინიდან 500-მდე ლტოლვილია და ჩვენ ვაპირებთ გამარტივებულად, დაჩქარებულად საქართველოში მათ თავშესაფარი მივცეთ, საქართველო არის იმ სახელმწიფოებს შორის, რომელიც უკრაინას სამედიცინო, თუ სხვა კუთხით დიდ დახმარებას უწევს“, - აღნიშნა სუბარმა.

ამასთან, მინისტრმა საპარლამენტო უმრავლესობის წევრის ზვიად კვაჭანტირაძის განცხადებას უპასუხა, რომლის თანახმადაც იუსტიციის მინისტრ თეა წულუკიანს უკრაინელ კოლეგასთან კომუნიკაცია გაუჭირდა.

„რაც შეეხება იმას, რომ შეიძლება, რომელიმე მინისტრს განსხვავებული შეხედულებები ჰქონდეს, ამას არ აქვს მნიშვნელობა, იმ მრავალსაუკუნოვანი ურთიერთობისთვის, რაც საქართველოსა და უკრაინას შორის არის“, - დასძინა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი