საქართველოს იუსტიციის მინისტრი მიესალმება, რომ პრეზიდენტი მზადაა, უზენაესი სასამართლოს თავმჯდომარეობის კანდიდატი კონსულტაციების გზით შეირჩეს.

როგორც წულუკიანმა "ქრონიკასთან" საუბრისას განაცხადა,უზენაესი სასმართლოს თავმჯდომარის კანდიდატის შესარჩევად,  კონსულტაციები აუცილებელია, რათა უზენაეს სასამართლოს კუბლაშვილის მსგავსი ხელმძღვანელი არ ჰყავდეს.

წულუკიანის თქმით,უზენაესი სასამართლოს თავმჯდომარე, პირველ რიგში, საზოგადოების ნდობით უნდა სარგებლობდეს.

"მიხარია და მადლიერიც ვარ, რომ ჩვენს მოწოდებას კონსულტაციების დაწყების შესახებ, საქართველოს პრეზიდენტი გამოეხმაურა.ბევრი ითქვა იმაზე, რომ მას არ ავალდებულებს კონსტიტუცია, ეს აკეთოს, მაგრამ,  მემგონი, პრეზიდენტს  და როგორც ჩანს,  ის ასეც თვლის, აქვს მორალური ვალდებულება, რომ იმ ძალიან დიდი კოშმარის შემდეგ, რაც კუბლაშვილის პირობებში სასამართლოში ტრიალებდა, კანდიდატზე  კონსულტაციები გაიმართოს. უზენაეს სასამართლოს  კუბლაშვილისნაირი თავმჯდომარე არ უნდა  ყავდეს, ეს იქნება მომავალი თაობის წინაშე ჩადენილი ჩვენი უპატიებელი შეცდომა.პრეზიდენტმა თქვა, რომ იწყებს კონსულტაციებს.ეს კონსულტაციები,  პირველ რიგში,  უმრავლესობასთან უნდა გაიმართოს და ასევე სხვა წრეებთანაც.უზენაესი სასასამართლოს თავმჯდომარე  საზოგადოების ნდობით უნდა სარგებლობდეს, ბევრი ითქვა იმაზე, რომ უნდა იყოს პროფესიონალი, შეუვალი და პრინციპული. ასეა, მაგრამ უნდა სარგებლობდეს საზოგადოების მხრიდან ნდობითაც",-აღნიშნა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება