„ცალსახად არც ერთი ჯანდაცვითი და სოციალური პროგრამის შემცირება არ იგეგმება“, – ამის შესახებ შრომის, ჯანმრთელობის და სოციალური დაცვის მინისტრმა დავით სერგეენკომ „ქამრების შემოჭერის“ საკითხთან დაკავშირებით განაცხადა.
როგორც სერგეენკომ აღნიშნა,  მისი სამინისტრო ძირითადად სოციალური მიმართულებით მუშაობს და შესაბამისად, ადმინისტრაციული ხარჯები ნაკლები აქვს.
თუმცა, მისივე თქმით, უწყება 1 წლის განმავლობაში  ადმინისტრაციულ ხარჯებს დაახლოებით  100 000 ლარამდე  შეამცირებს.
 „პირველ რიგში ეს ადმინისტრაციულ ხარჯებს შეეხო.  უკვე გადავდგით კონკრეტული ნაბიჯები და შევამცირეთ სამივლინებო, ასევე საწვავის ლიმიტის ხარჯები.  ხაზი მინდა გავუსვა, რომ სამინისტროს ყველაზე დიდი ბიუჯეტი აქვს და ის ძირითადად სოციალური მიმართულებითაა.  შესაბამისად, ჩვენ ადმინისტრაციული ხარჯები ბევრი არ გვაქვს. ადმინისტრაციული ხარჯების შემცირება თავიდან 70 000 ლარით ვივარაუდე, მაგრამ ეს დაახლოებით წელიწადში  100 000 ლარამდე იქნება“, – აღნიშნა სერგეენკომ.
მინისტრის განცხადებით, დაზოგილი თანხებით სამინისტრო სავარაუდოდ, მაღალმთიანი რაიონებისთვის ახალ რეანომობილებს შეიძენს.
„ ძირითადად , დიდი ალბათობით, ეს დაზოგილი თანხები მაღალმთიანი რაიონებისთვის ახალი რეანომობილებისთვის დაიხარჯება. ასევე მინდა გითხრათ, რომ არც ერთი ჯანდაცვითი თუ სოციალური პროგრამის შემცირება ცალსახად არ იგეგმება“, – აღნიშნა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება