რუსეთის საგარეო საქმეთა მინისტრის მოადგილემ, მიხაილ გალუზინმა, განაცხადა, რომ მოსკოვსა და თბილისს შორის ურთიერთობები „კონსტრუქციულად“ აშენდება, იმის გათვალისწინებით, რომ ქვეყნის ხელისუფლება ამჟამინდელ კურსს შეინარჩუნებს.

„ჩვენი ურთიერთობები საქართველოსთან, თუ მისი ამჟამინდელი კურსი შენარჩუნდება, კონსტრუქციულად აშენდება, მაგრამ, რა თქმა უნდა, მათი ფორმალიზება შეუძლებელია, რადგან თბილისი არ აღიარებს აფხაზეთისა და სამხრეთ ოსეთის დამოუკიდებლობას“, - განმარტა პოლიტიკოსმა.

მან ასევე კომენტარი გააკეთა რუსეთის სურვილზე, საქართველოს ოკუპირებული რეგიონების შესახებ ჟენევის მოლაპარაკებები „არამეგობრული“ შვეიცარიიდან „ნეიტრალურ“ ქვეყანაში გადაიტანოს - მაგალითად, არაბთა გაერთიანებულ საემიროებში, კატარში, საუდის არაბეთში ან ბელარუსში.

„ფორმატი თავად და მისი გაგრძელება ჩვენთვის ძალიან მნიშვნელოვანია; ჩვენ არ ვაყენებთ ეჭვქვეშ ამ ფორმატის მნიშვნელობას. ჩვენ გვჭირდება პლატფორმა, რომელიც ყველა მხარეს შეეფერება. <…> სამწუხაროდ, შვეიცარიამ უარი თქვა ნეიტრალიტეტის პრინციპზე და უკრაინის კრიზისის კონტექსტში პროკიევური პოზიცია დაიკავა. ამიტომ, ძნელია მისი მოლაპარაკებებისთვის მოსახერხებელ ადგილად მიჩნევა“, - აღნიშნა მან.

ჟენევის მოლაპარაკებების 66-ე რაუნდი 18-19 მარტს გაიმართება.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო