პაკისტანის ქალაქ ლაჰორეში განხორციელებულ ტერაქტზე პასუხისმგებლობა მოძრაობა "თალიბანის" ერთ-ერთმა ყოფილმა განშტოებამ აიღო, - ამის შესახებ ინფორმაციას BBC ავრცელებს.

დაჯგუფება "ჯამაათ-ულ-აჰრარმა" განაცხადა, რომ მათ სამიზნეს ქრისტიანები წარმოადგენდნენ, რომლებიც აღდგომის დღესასწაულს აღნიშნავდნენ. თავდასხმა ბავშვების სათამაშო მოედანზე მოხდა, რის შედეგადაც გარდაცვლილთა რიცხვი 70-მდე გაიზარდა, მათ შორის არის 30 ბავშვი.

როგორც პოლიციაში აცხადებენ, დაშავებულია 300-მდე ადამიანი. მსხვერპლის რიცხვი შესაძლოა, გაიზარდოს. ყველა ადგილობრივი საავადმყოფო საგანგებო რეჟიმში მუშაობს.

პაკისტანის პრეზიდენტმა მომხდარი მკაცრად დაგმო. რეგიონულმა მთავრობამ კი სამდღიანი გლოვა გამოაცხადა.

ცნობისთვის, "ჯამაათ-ულ-აჰრარი" "ტეჰრიკ-ე თალიბანის" პაკისტანური დაჯგუფების ერთ-ერთი ყოფილი ნაწილია. მას ბოლო თვეების განმავლობაში პაკისტანის მასშტაბით არაერთი თავდასხმა აქვს განხორციელებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი