რუსეთის მიერ ხარკოვზე განხორციელებული თავდასხმის შედეგად ქალაქის უდიდეს „ბარაბაშოვოს“ ბაზარში ხანძარი გაჩნდა, დაზიანდა საცხოვრებელი შენობები და ავტომობილები, დაშავდა 11 ადამიანი, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

„მტერმა ქალაქის ოთხ რაიონს „გერან-2“ ტიპის 20 უპილოტო საფრენი აპარატით შეუტია. ქალაქის უდიდეს ბაზარში, „ბარაბაშოვოში“, ხანძარი გაჩნდა“, - წერს სინეგუბოვი „ტელეგრამ“ არხზე.

მისი ინფორმაციით, რუსებმა ხარკოვის ოლქს, საერთო ჯამში, 8 მართვადი საჰაერო ბომბით, 8 FPV დრონით და „გერან-2“ ტიპის 20 უპილოტო საფრენი აპარატით შეუტიეს.

სინეგუბოვის ინფორმაციით, დარტყმების შედეგად, იზიუმში დაზიანდა 14 კერძო სახლი, კუპიანსკში - 2 კერძო სახლი, საწყობი და 2 ავტომობილი და ხარკოვში- 8 კერძო სახლი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი