სირიის კონფლიქტის საკითხებზე მიუნხენში გამართულ მოლაპარაკებებზე სამხედრო მოქმედებების შეწყვეტაზე შეთანხმდნენ, - ამის შესახებ ინფორმაციას "ბიბისი" ავრცელებს.

როგორც აშშ-ის სახელმწიფო მდივანმა ჯონ კერიმ განაცხადა, ცეცხლის შეწყვეტა, "ისლამური სახელმწიფოს" გარდა, ასევე "ალ-ნუსრას" და სხვა ტერორისტულ დაჯგუფებებს არ შეეხება.

რუსეთის საგარეო საქმეთა მინისტრმა სერგეი ლავროვმა, თავის მხრივ, გამოთქვა აზრი, რომ სახმელეთო ოპერაციის გაგრძელება სირიაში "ისლამური სახელმწიფოს" წინააღმდეგ მხოლოდ ამწვავებს კონფლიქტს.

საგარეო საქმეთა მინისტრები ასევე აუცილებელი ჰუმანიტარული დახმარების მიწოდების გაზრდისა და დაჩქარების შესახებ შეთანხმდნენ.

შეგახსენებთ, დასავლეთი ალეპოს დაბომბვაში ისევ რუსეთს აკრიტიკებს. მათი თქმით, ეს არ არის პირველი შემთხვევა, როდესაც რუსეთის "სამშვიდობო იერიშებს" მშვიდობიანი მოსახლეობის სიცოცხლე ეწირება. აღსანიშნავია, რომ ბოლო 5 წლის განმავლობაში სირიაში, 250 ათასი ადამიანი გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო