შინაგან საქმეთა მინისტრის, ვახტანგ გომელაურის განცხადებით, მთავრობამ ყველაფერი გააკეთა ზაზა გახელაძის გასათავისუფლებლად.

მინისტრი იმედოვნებს, დეფაქტო ცხინვალის ხელისუფლება მიიღებს გონივრულ გადაწყვეტილებას და ზაზა გახელაძეს გაათავისუფლებს.

„ზაზა გახელაძე ერთ-ერთი მთავარი საკითხი იყო დღევანდელ სხდომაზე.ხშირად ვხდები კრიტიკის მსხვერპლი და ვერ ვსაუბრობ, ამ შემთხვევაში გამიჭირდება დეტალებზე ვისაუბრო. თუმცა, შემიძლია ვთქვა, რომ მთავრობამ ყველაფერი გააკეთა, პარტნიორები, მეგობრები და საერთაშორისო ორგანიზაციები ყველა ჩართულები არიან ზაზა გახალაძის გასათავისუფლებლად. ვიმედოვნებ, რომ მიიღებენ ვიმედოვნებ, რომ მიიღებენ გონივრულ გადაწყვეტილებას და ზაზას გაათავისუფლებენ და ის ოჯახს მალე დაუბრუნდება. საპატრიარქოც ჩართულია, მთავრობაც და ჩვენი მეგობარი სტრატეგიული პარტნიორები და სახელმწიფოები“, - განაცხადა ვახტანგ გომელაურმა.

შეგახსენებთ, რომ ზაზა გახელაძე 11 თვეზე მეტია, რაც პატიმრობაში იმყოფება. დეფაქტო ცხინვალის ხელისუფლებამ და მას დაქვემდებარებულმა ე.წ. სასამართლომ გახელაძეს 12 წლითა და 6 თვით თავისუფლების აღკვეთა მიუსაჯა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს