სადაც არ უნდა ვიყო, რა ამპლუაშიც არ უნდა მოვევლინო საზოგადოებას, ყოველთვის ჩემი ქვეყნის მსახური ვიქნები, - ამის შესახებ "თავისუფალი დემოკრატების" უკვე ყოფილმა წევრმა, გიორგი ცაგარეიშვილმა დღეს გამართულ საგანგებო ბრიფინგზე განაცხადა.

როგორც ცაგარეიშვილმა აღნიშნა, "პოლიტიკოსის ცხოვრებაში დგება ჟამი, როდესაც მან გადაწყვეტილება უნდა მიიღოს".

"მე ვიღებ დღეს გადაწყვეტილებას დავტოვო "თავისუფალი დემოკრატების" რიგები. ერთი რამ იცოდეთ, სადაც არ უნდა ვიყო, რა ამპლუაშიც არ უნდა მოვევლინო საზოგადოებას, ყოცელთვის ჩემი ქვეყნის მსახური ვიქნები. ამას გეუბნებით სრული პასუხისმგებლობით. მინდა წარმატება ვუსურვო "თავისუფალ დემოკრატებს". დარწმუნებული ვარ, რომ ევროპული მომავალი მათთან და სხვა აქტიურ ადამიანებთან ერთად აუცილებლად დადგება. მე ამაში ღრმად ვარ დარწმუნებული.
7 წელი მე ვიბრძოლე "თავისუფალ დემოკრატებში" და პარტიისთვის. მეც და ჩემმა მეგობრებმაც უდიდესი ძალისხმევა გავიღეთ და ვიბრძოდით იმისთვის, რომ 2016 წლის 8 ოქტომბერს მოგვეპოვებინა გამარჯვება, არა მხოლოდ პარტიისთვის არამედ ჩვენი სამშობლოსთვის, თუმცა ჩვენმა ამომრჩეველმა სხვანაირად განსაჯა და საპარლამენტო მანდატი არ მოგვანიჭა. ამიტომ მივიღე გადაწყვეტილებას, რომლის წინაშეც ყველა პოლიტიკოსი დგება", - განაცხადა ცაგარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება