დანაშაულის პრევენციის ცენტრის ბენეფიციარები ხვალ საქართველო-რუსეთის სარაგბო მატჩს დაესწრებიან

2015-03-13 13:37:11, 502 ნახვა

საზოგადოება

საქართველოს იუსტიციის სამინისტროს სსიპ „დანაშაულის პრევენციის ცენტრი" სპორტის სხვადასხვა ფედერაციებთან აქტიურად თანამშრომლობს.

ცენტრის ბენეფიციარები, 14 მარტს, საქართველოს მორაგბეთა ეროვნული ნაკრების მატჩს დაესწრებიან, რომელიც მიხეილ მესხის სახელობის სტადიონზე გაიმართება.

ბორჯღალოსნები "რაგბის ევროპის ჩემპიონატის" მეოთხე ტურის მატჩში რუსეთის ეროვნულ ნაკრებს უმასპინძლებენ.

„ყოფილ პატიმართა რეაბილიტაციისა და რესოციალიზაციის პროგრამის" მონაწილეებისთვის რაგბის კავშირმა 20 ბილეთი გამოყო. მატჩს ყოფილი პატიმრები და მათი ოჯახის წევრები დაესწრებიან.
დანაშაულის პრევენციის ცენტრი „ყოფილ პატიმართა რეაბილიტაციისა და რესოციალიზაციის პროგრამას" ორი წელია ახორციელებს. ეს არის პირველი სახელმწიფო პროგრამა ყოფილ მსჯავრდებულთა და მათი ოჯახის წევრთა დასახმარებლად. მისი მიზანია სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად. იუსტიციის სამინისტროს დანაშაულის პრევენციის ცენტრის გარკვეული რაოდენობის ბენეფიციარი უკვე ტრადიციულად ყველა სარაგბო მატჩს უფასოდ ესწრება, რაც რაგბის კავშირის საჩუქარია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან