უკრაინის პრეზიდენტი ვოლოდიმირ ზელენსკი ამბობს, რომ აშშ-ისა და ისრაელის ერთობლივი იერიში ირანზე "სწორი გადაწყვეტილებაა", თუმცა ამბობს, რომ არსებობს უკრაინისთვის საჰაერო თავდაცვის რაკეტების დეფიციტის რისკი.

იტალიურ მედიასთან ინტერვიუში ვოლოდიმირ ზელენსკიმ თქვა, რომ ირანი, რომელიც რუსეთს დრონებითა და რაკეტებით ამარაგებდა, "ამას ვეღარ შეძლებს და შესაძლოა, ახლა რუსებმა მისცენ მათ შეიარაღება, საპასუხოდ".

"ირანის სამხედრო ობიექტებზე იერიში, ჩემი აზრით, სწორი გადაწყვეტილება იყო. ირანი აწარმოებს ბევრ შეიარაღებას რუსეთისთვის, მათ შორის დრონებს და რაკეტებს, თუმცა ახლა, ვფიქრობ, ამას ვეღარ შეძლებენ და შესაძლოა, ახლა რუსებმა მისცენ მათ შეიარაღება, საპასუხოდ", - თქვა ვოლოდიმირ ზელენსკიმ.

ამასთან, ვოლოდიმირ ზელენსკიმ ხაზი გაუსვა უკრაინისთვის ამ ომის მნიშვნელობას და შესაძლო შედეგებს - მისი თქმით, კიევს შესაძლოა სირთულეები შეექმნას რაკეტებისა და სხვა საჰაერო თავდაცვის სისტემების უზრუნველყოფასთან დაკავშირებით.

"ჩვენ შეიძლება შევეჩეხოთ სირთულეებს ცის დაცვისთვის საჭირო რაკეტებისა და შეიარაღების მიღების მხრივ. ახლო აღმოსავლეთში აშშ-სა და მოკავშირეებს ისინი შეიძლება თავდაცვისთვის გამოადგეთ - მაგალითად, Patriot-ის რაკეტები", - თქვა პრეზიდენტმა.

ავტორი: ექსპრესნიუსი,

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა