თუ ნატო საქართველოს ალიანსში „ჩასათრევად“  პრაქტიკულ ნაბიჯებს გადადგამს, რუსეთი საპასუხოდ  მზადაა შესაბამის ზომებს მიმართოს“, -ამის შესახებ რუსეთის საგარეო საქმეთა მინისტრმა სერგეი ლავროვმა ე.წ სამხრეთ ოსეთის საგარეო საქმეთა დე ფაქტო მინისტრთან გამართულ პრესკონფერენციაზე განაცხადა.

მისივე თქმით, იმ ფონზე, როდესაც ნატო თბილისის  ჩრდილოატლანტიკურ ალიანსში „ჩათრევას“ ცდილობს, მნიშვნელოვანია საქართველოს ძალის გამოუყენებლობის ვალდებულება დაევალოს.

„იმ ფონზე, როდესაც ნატო თბილისის  ჩრდილოატლანტიკურ ალიანსში “ჩათრევას“ ცდილობს, მნიშვნელოვანია მივაღწიოთ იმ დოკუმენტის გაფორმებას, რომელიც საქართველოს  ძალის არ გამოყენებას იურიდიულად  დაავალდებულებს. ეს დოკუმენტი იქნება წინაპირობა იმისა, რომ 2008 წლის მოვლენები არ გამეორდეს“, - განაცხადა სერგეი ლავროვმა.

მან ასევე  რუსეთსა და სამხრეთ ოსეთს შორის „სახელმწიფო საზღვრის შესახებ“  ე.წ. ხელშეკრულების გაფორმებაზეც ისაუბრა.

 „დღეს ერთად გადავდგით მნიშვნელოვანი ნაბიჯი ურთიერთობების გასაღრმავებლად, რომელიც თავის მხრივ, დაასრულებს სპეკულაციებს თემაზე-რა ურთიერთობები არსებობს ჩვენს სახელმწიფოებს შორის. ჩვენ ასევე განვიხილეთ შეთანხმებული ნაბიჯები საერთაშორისო ასპარეზზე. მათ შორის ჟენევის მოლაპარაკებებში რუსეთისა და სამხრეთ ოსეთის დელეგაციების მონაწილეობაზე“,-განაცხადა სერგეი ლავროვმა.

შეგახსენებთ, რომ დღეს რუსეთის საგარეო საქმეთა მინისტრმა სერგეი ლავროვმა და ოკუპირებული სამხრეთ ოსეთის ე.წ. საგარეო საქმეთა მინისტრმა დავით სანაკოევმა  „სახელმწიფო საზღვრის შესახებ“  ხელშეკრულებას ხელი მოაწერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს