აჭარის მთავრობის თავმჯდომარე, ზურაბ პატარაძე ბათუმში პუშკინის ქუჩაზე მიმდინარე სამუშაოებს გაეცნო. პუშკინის ქუჩის რეაბილიტაცია აქტიურად გრძელდება. ამ ეტაპზე სამუშაოები ჯავახიშვილის ქუჩიდან გმირთა ხეივნამდე მონაკვეთზე ხორციელდება. 

როგორც "ექსპრესნიუსს" აჭარის მტავრობიდან აცნობეს, მთავრობის თავმჯდომარემ შეაფასა ქალაქის ტერიტორიაზე მიმდინარე კეთილმოწყობითი სამუშაოები, გაეცნო პროექტის განხორციელების გეგმას, უკვე შესრულებული, მიმდინარე და ახლო მომავალში დასასრულებელი სამუშაოების თანმიმდევრობას. 

აღნიშნულ მონაკვეთზე კეთდება 360 მ სანიაღვრე სისტემა, 21 ცხაურიანი და 10 დახურული ჭა, ასევე დამონტაჟდება 6 საკომუნიკაციო ჭა, რის დასრულების შემდეგაც დაიგება 4800 კვმ ასფალტის საფარი. პროექტის ფარგლებში ტროტუარებზე მოეწყობა ბილიკები უსინათლოთათვის, ბორდიურები და ველო ბილიკები. 

19 მილიონი ლარის ღირებულების პროექტი ე.წ. „ჭაობის" დასახლების ქუჩების რეაბილიტაციას მოიცავს, რაც 25 ქუჩის კეთილმოწყობას ითვალისწინებს. ამ მომენტისთვის ქალაქის ტერიტორიის კეთილმოწყობის სამუშაოები 8 ლოკაციაზე მიმდინარეობს. პარალელურად შემოერთებულ ტერიტორიების სხვადასხვა ლოკაციაზე 2 225 კუბ/მეტრი ფართობზე ბეტონის საფარი იგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“