ბათუმის სასწრაფო-სამედიცინო დახმარების ცენტრმა ახალი ტექნიკა შეიძინა.

აჭარის ჯანდაცვის სამინისტროს ინფორმაციით, 4 ერთეული ფოლკსვაგენის ფირმის მანქანა ყველა საჭირო მოწყობილობით არის აღჭურვილი. აღნიშნული ტექნიკის ღირებულება 373 ათას 320 ლარს შეადგენს.

ახალი ავტომანქანები დღეს აჭარის ა/რ მთავრობის თავმჯდომარემ ზურაბ პატარაძემ, აჭარის ა/რ ჯანმრთელობისა და სოციალური დაცვის მინისტრმა ნუგზარ სურმანიძემ და ბათუმის მერმა გიორგი ერმაკოვმა დაათვალიერეს.

სასწრაფო-სამედიცინო დახმარების ცენტრმა 9 მანქანა 2012 წელს შეიძინა. დამატებით 4 ერთეული რეანომობილი ცენტრისთვის ბათუმის მერიამ შეისყიდა. აღსანიშნავია ისიც, რომ ბათუმის სასწრაფო სამედიცინო დახმარების ცენტრმა გასულ წელს ტექნიკური და სამედიცინო პერსონალის უნიფორმები განაახლა.

მომსახურების გაუმჯობესების მიზნით, ბათუმის სასწრაფო-სამედიცინო დახმარების ცენტრი საქართველოს სასწრაფო სამედიცინო დახმარების ერთიან ქსელში ჩაერთო. ახალ სისტემაში ჩართვის შემდეგ სასწრაფო-სამედიცინო დახმარების ცენტრთან დაკავშირება 112-ის საშუალებით გახდა შესაძლებელი. შესული შეტყობინება ავტომატურ რეჟიმში აისახება სისტემაში და ოპერატორი კომპიუტერული პროგრამის საშუალებით იღებს ინფორმაციას.

ამ დროისთვის ბათუმის მოსახლეობას 16 ბრიგადა ემსახურება. ბრიგადების დამატება წელიწადში 2-ჯერ, ზამთრისა და ზაფხულის სეზონზე, გამოძახებების რიცხვის გაზრდასთან დაკავშირებით ხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი