2026-01-01 15:32:09, 1218 ნახვა
საზოგადოება
დღეიდან ერთჯერადი დანიშნულების პლასტმასის ჭურჭლის მიმოქცევა იკრძალება
დღეიდან ერთჯერადი დანიშნულების პლასტმასის ჭურჭლის მიმოქცევა იკრძალება და წესდება ფინანსური ჯარიმები. იკრძალება პლასტმასისგან დამზადებული ჩანგლების, დანების, კოვზების, ჩხირების, თეფშების, საწრუპების, ასევე გაფართოებული პოლისტიროლისგან დამზადებული სასურსათო კონტეინერების, მათი თავსახურების, ჭიქების და მათი თავსახურების წარმოება, იმპორტი და ბაზარზე განთავსება.
ამასთან ერთად, იკრძალება კვების ობიექტების მიერ მომხმარებლებისთვის პლასტმასისგან დამზადებული, ერთჯერადი სასურსათო კონტეინერების და ჭიქების საშუალებით მზა სურსათის მიწოდება/შეთავაზება.
მოთხოვნის დარღვევა გამოიწვევს დაჯარიმებას 1 000 ლარის ოდენობით, განმეორებით ჩადენის შემთხვევაში კი 2 000 ლარით დაჯარიმებას.
ავტორი: ექსპრესნიუსი,
epn.ge (@expressnews.ge)
