ჯანდაცვის მინისტრის, ეკატერინე ტიკარაძის განცხადებით, მსუბუქი სიმპტომების მქონე პაციენტები მკურნალობის კურსს სახლში გაივლიან.

მისივე თქმით, აღნიშნული გადაწყვეტილება ჩინელი ექიმების სტატისტიკაზე დაყრდნობით იქნა მიღებული.

„კომუნიკაციის პირველივე დღიდან, ვგულისხმობ იანვარს, როდესაც "კოვიდი" ზოგადად დაფიქსირდა, ჩინელმა ექიმებმა მოგვაწოდეს სტატისტიკა, რომ ძირითადი შემთხვევები მიმდინარეობს უსიმპტომოდ ან მსუბუქი სიმპტომით და ეს ყოველივე წარმოადგენს დაავადებულთა 80%-ს, ამ ფაქტებზე დაყრდნობით, მივიღეთ გადაწყვეტილება, რომ ის პაციენტები, რომლებსაც აქვთ მსუბუქი მიმდინარეობა ოჯახის ექიმების მუდმივი მეთვალყურეობის ქვეშ მკურნალობას გაივლიან სახლში.

მათი პირველადი კომუნიკაცია, რა თქმა უნდა, მოხდება სატელეფონო ზარით, დღესდღეობით გვაქვს საშუალება, რომ 112-ზე მივიღოთ ზარები და დავგეგმოთ მათთან შემდგომი ტაქტიკა, რაშიც ვგულისხმობ, თუ ადამიანს უფიქსირდება გარკვეული სიმტპომი, ექიმი სპეციალისტი მას აძლევს რეკომენდაციას დაყოვნდეს სახლში და ანამნეზის სუსტის აკრეფის შემდეგ მიიღება გადაწყვეტილება, უნდა მოხდეს პაციენტის სტაციონარშის გადაყვანა, თუ შემდგომი მონიტორინგი ბინაზე. პაციენტის სიმპტომების გართულების შემთხვევაში, რა თქმა უნდა, შესაბამისი აღჭურვილობით და ტრანსპორტით პაციენტი გადაყვანილი იქნება სტაციონარში, რაც მოხდება ექიმთან კომუნიკაციის შემდეგ“, - განაცხადა ჯანდაცვის მინისტრმა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო