შემოსავლების სამსახურის სერვის ცენტრებში დაუბეგრავი მინიმუმის დასაბრუნებლად დეკლარაციის ატვირთვის გამო, სისტემა გადატვირთულია.

ამის შესახებ ჟურნალისტებს  შემოსავლების სამსახურის საზოგადოებასთან ურთიერთობის ხელმძღვანელმა ხატია მოისწრაფაშვილმა განუცხადა. 

მოისწრაფაშვილი დაუბეგრავი მინიმუმით მოსარგებლე პირებს მიმართავს, რომ დეკლარაციის შევსების დღეზე არ არის დამოკიდებული დაუბეგრავი მინიმუმის თანხის დაბრუნება. მისივე განარტებით, ამ პირებს დეკლარაციის შევსების შესაძლებლობა 30 სექტემბრამდე ექნებათ.

"დღეს დაიწყო დაუბეგრავი მინიმუმის დასაბრუნებლად დეკლარაციების ატვირთვა შემოსავლების სამსახურის ვებგვერდზე. უკვე 01:01 საათისთვის ატვირთული იყო 3 000-ზე მეტი დეკლარაცია. ამწუთებში ძალიან დიდი რიგებია შემოსავლების სამსახურის სერვისცენტრებში,  ასევე საბანკო დაწესებულებების ფილიალებში. მინდა, მოვუწოდო და თხოვნით მივმართო დაუბეგრავი მინიმუმით მოსარგებლე პირებს, რომ შევსების დღეზე არ  არის დამოკიდებული დაუბეგრავი მინიმუმის თანხის დაბრუნება. ასე მხოლოდ ვაფერხებთ სისტემას. ხელს ვუშლით მის გამართულ მუშაობას. ვცეთ ერთმანეთის საქმიანობას პატივი.დაუბეგრავი მინიმუმით დასაბრუნებელი თანხა ყველა მოსარგებლე პირს დაუბრუნდება",-განაცხადა ხატია მოისწრაფაშვილმა.

მისივე თქმით,  შემოსავლების სამსახურს აქვს სიახლე, რომლის თანახმადაც,  დაუბეგრავი მინიმუმის დეკლარაციას რიგითი ნომერი მიენიჭება, რაც ნიშნავს, რომ პირებს,  რომლებმაც დეკლარაცია შეავსეს, შეეძლებათ შემოსავლების სამსახურის ვებგვერდის საშუალებით იმ დღის მონაცემები აკონტროლონ, რომელ დეკლარაციებსაც თანხა დაუბრუნდათ.

ცნობისთვის, დეკლარირება შესაძლებელია ინტერნეტის საშუალებით ან/და მითითებული საბანკო დაწესებულების მეშვეობით. ელექტრონული დეკლარაციის წარდგენის შემდგომ, თქვენ მიერ დეკლარაციაში მითითებულ საბანკო ანგარიშზე, დაგიბრუნდებათ დაუბეგრავი მინიმუმის შესაბამისი თანხა „დაუბეგრავი მინიმუმის გამოქვითვის შესახებ“ დეკლარაციის რეგისტრაციიდან 3 თვის განმავლობაში.'

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი