პარლამენტის მიმდებარე ტერიტორიაზე აქციის მონაწილეებსა და იქ მყოფ მოქალაქეებს შორის სიტყვიერი და ფიზიკური დაპირისპირება იყო.

აქციის მონაწილეების ინფორმაციით, უწყვეტი აქციების აქტიურ მონაწილეებს ქართული ოცნების მხარდამჭერი ფიზიკურად გაუსწორდა.

მათივე ინფორმაციით, პოლიციამ აქციის მონაწილე შაკო ბაღდოშვილი დააკავა.

პარლამენტთან გვიან ღამიდან პროევროპული აქციების მონაწილეები იყვნენ შეკრებილები, მათ შორის სინდისის პატიმრების ოჯახის წევრები. 

ცოტა ხნის წინ ადგილზე ქართული ოცნების მთავრობის წარმომადგენლები მივიდნენ და ტერიტორია კომენტარის გარეშე დატოვეს.

ადგილზე მისულ ქართული ოცნების წევრებს აქციის მონაწილეები შეძახილებით დახვდნენ და სკანდირებდნენ: "მონა", "რუსებო".

ტერიტორიაზე ქართული ოცნების მთავრობის წევრების გამოჩენამდე, ადგილზე პოლიცია გამოჩნდა და შეეცადა,  პარლამენტის მიმდებარე ტერიტორია აქციის მონაწილეებისგან გაეთავისუფლებინა. დემონსტრანტების ნაწილი პოლიციამ შემაღლებული ადგილებიდან იძულებით ჩამოიყვანა.

დღეს, 9 აპრილის ტრაგედიიდან 37 წელი გავიდა, საქართველოს დამოუკიდებლობის აღდგენიდან - 35. 

ავტორი: ექსპრესნიუსი,

სოციალური ქსელები

ომბუდსმენმა ამაღლობელისა და მომიტინგეების საკითხი ევროპის საბჭოს კომისართან განიხილა

უკრაინა და გერმანია 4 მილიარდი ევროს ოდენობის სამხედრო თანამშრომლობის პაკეტზე შეთანხმდნენ

კრემლმა გადაწყვიტა, პუტინის რეიტინგის შემცირების გამო Telegram-ზე ბლოკი შეემსუბუქებინა

თურქეთი ისრაელს ომით ემუქრება