გაზეთმა „ნიუ-იორკ თაიმსმა“ პენტაგონის წინააღმდეგ სარჩელი შეიტანა. ის სამხედრო დეპარტამენტში მომუშავე ჟურნალისტებისთვის დაწესებულ შეზღუდვებს არაკონსტიტუციურად მიიჩნევს.

ოქტომბრის შუა რიცხვებში ამოქმედებული ახალი წესების თანახმად, ჟურნალისტები, რომლებიც ცდილობენ არაავტორიზებული - თუნდაც არაკლასიფიცირებული - ინფორმაციის მოპოვებას, დეპარტამენტისა და შეიარაღებული ძალების „უსაფრთხოებისთვის საფრთხედ“ მიიჩნევიან.

გარდა ამისა, 21-გვერდიანი წესები პენტაგონში გადაადგილებაზე, სამხედრო ობიექტების მონახულების მოთხოვნებსა და დეპარტამენტის ჩინოვნიკებთან და სამხედრო პერსონალთან კომუნიკაციაზე სხვადასხვა სხვა შეზღუდვას აწესებს. თავად დეპარტამენტმა ამას „საღი აზრი“ უწოდა.

ვაშინგტონის ფედერალურ რაიონულ სასამართლოში წარდგენილ სარჩელში „ნიუ-იორკ თაიმსი“ აცხადებს, რომ ეს წესები არღვევს აშშ-ის კონსტიტუციის პირველ შესწორებას, რომელიც სიტყვის თავისუფლებას უზრუნველყოფს. გაზეთი სასამართლოს სთხოვს, პენტაგონს ამ წესების გაუქმება დაავალა.

დონალდ ტრამპის გუნდის წევრის, თავდაცვის მდივნის, პიტ ჰეგსეთის ამ ინიციატივის, ასევე წამყვანი ამერიკული გამოცემებისა და მაუწყებლების რეაქციის შესახებ დამატებითი ინფორმაცია აქ დავწერეთ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო