აშშ-ის არმიის მდივანი დენ დრისკოლი აბუ დაბიში რუსეთის ოფიციალურ პირებთან შესახვედრად იმყოფება, განუცხადეს CBS News-ს ორმა ამერიკელმა ოფიციალურმა პირმა და ორმა სხვა დიპლომატიურმა წყარომ. Financial Times-მა ასევე გაავრცელა ინფორმაცია, რომ აშშ არაბთა გაერთიანებულ საემიროებში რუსეთთან მოლაპარაკებებს მართავს.

„აშშ-ის არმიის მდივანი დრისკოლი [ორშაბათს საღამოს] აბუ დაბიში რუსეთის დელეგაციის წევრებს რამდენიმე საათის განმავლობაში შეხვდა. ის გეგმავს მათთან კვლავ შეხვედრას დღის ბოლოს [სამშაბათს], რათა განიხილონ სამშვიდობო პროცესი და წინ წაწიონ სამშვიდობო მოლაპარაკებები“, - განუცხადა აშშ-ის ოფიციალურმა პირმა CBS News-ს.

ჯერჯერობით უცნობია, კიდევ ვინ არიან აბუ დაბიში აშშ-ის დელეგაციაში.

კვირას დრისკოლმა, აშშ-ის სახელმწიფო მდივანმა მარკო რუბიომ, აშშ-ის პრეზიდენტის სპეციალურმა წარმომადგენელმა სტივ ვიტკოფმა და დონალდ ტრამპის სიძემ ჯარედ კუშნერმა ჟენევაში მოლაპარაკებები გამართეს უკრაინისა და მისი ევროპელი მოკავშირეების დელეგაციებთან. მანამდე აშშ-ის არმიის მდივანი კიევს ეწვია.

ნოემბერში ტრამპის ადმინისტრაციამ გააძლიერა ძალისხმევა უკრაინაში ომის დასრულების გეგმის წინსვლისთვის. კიევთან კონტაქტების შემდეგ, ვაშინგტონი რუსეთის წარმომადგენლებთან მოლაპარაკებებს გამართავდა.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო