დედაქალაქში ურბანული წესრიგის შესანარჩუნებლად, მუნიციპალურმა ინსპექციამ ახალი პროექტი - მოტოციკლების შემოწმება შექმნა, - აღნიშნული განცხადება დღეს, თბილისის მუნიციპალური მთავრობის სხდომაზე დედაქალაქის მერმა კახა კალაძემ გააკეთა.

მისი თქმით, საავტომობილო ინსპექცია გააკონტროლებს გარემოს იერსახეს, დაბინძურებას და აკუსტიკურ ხმაურს, ასევე განახორციელებს სწრაფ რეაგირებას სამშენებლო და ადმინისტრაციულ დარღვევებზე.

„ურბანული წესრიგის დაცვა და შესაბამისი ღონისძიებების განხორციელება ჩვენი ერთ-ერთი პრიორიტეტია. ამ მიმართულებით ბევრი ეფექტური ნაბიჯი გადაიდგა. ახლა გვსურს გაგაცნოთ მუნიციპალური ინსპექციის ახალი პროექტი, რომელიც დაგვეხმარება ტურისტულ და ისტორიულ ზონებში, ცენტრალურ მოედნებსა და გამზირებზე წესრიგის დაცვის ღონისძიებების ეფექტურად და ეფექტიანად მართვაში“, - განაცხადა კალაძემ.

ასევე, მისი თქმით, მოტოციკლების ინსპექტირების ცენტრი აღიჭურვება სამთვლიანი ველოსიპედებით, სპეციალური აღჭურვილობითა და თანამედროვე ტექნოლოგიებით, რომლებიც ევროპულ სტანდარტებს შეესაბამება.

„პროექტის მიზანია ურბანული წესრიგის ეფექტური მართვის განხორციელება და შესაბამისი ღონისძიებების ჩატარება ისტორიულ და ტურისტულ ზონებში, ცენტრალურ მოედნებსა და გამზირებზე. მუნიციპალური ინსპექციის თანამშრომლებმა გაიარეს სპეციალური ტრენინგი; სამსახურმა შეიძინა 20 სამთვლიანი ველოსიპედი“, - აღნიშნა კალაძემ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი