სააგენტო Associated Press-ის ფოტოგრაფმა ბურჰან ოზბილიჯიმ ფოტოსურათისთვის, რომელზეც თურქეთში რუსეთის ელჩის, ანდრეი კარლოვის მკვლელობაა ასახული, World Press Photo-ს პრემია მიიღო, - ამის შესახებ ინფორმაციას BBC ავრცელებს.

მედია საშუალების ინფორმაციით, ფოტოგრაფმა ელჩის მკვლელობასთან დაკავშირებით ფოტორეპორტაჟი მოამზადა. თუმცა, პრიზი მხოლოდ ერთ ფოტოს მიანიჭეს.

ფოტოზე მკვლელობაში ბრალდებული იარაღით ხელში მოკლული ელჩის წინ დგას და ყვირის.

ცნობისთვის, კონკურსი World Press Photo ყოველწლიურად ტარდება და მასში ფოტოგრაფები 125 ქვეყნიდან მონაწილეობდნენ.

ფოტოკონკურსზე 5034 ფოტოსურათი იყო გაგზავნილი. სერიაში "შავი დღე" უკრაინელმა ვალერი მელნიკოვმა გაიმარჯვა. მან ფოტო აღმოსავლეთ უკრაინაში მიმდინარე შეიარაღებულ კონფლიქტს მიუძღვნა და "გრძელვადიანი პროექტების" კატეგორიაში გაიმარჯვა.

შეგახსენებთ, რომ 19 დეკემბერს ანკარაში, რუსეთის ელჩზე თურქეთში ანდრეი კარლოვზე შეიარაღებული თავდასხმა განხორციელდა, რის შედეგადაც ის გარდაიცვალა. თავდასხმა თურქეთის დედაქალაქში, გამოფენაზე მოხდა, რომელიც ანკარის თანამედროვე ხელოვნების ცენტრში მიმდინარეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი