დავოსში, მსოფლიო ეკონომიკურ ფორუმზე გამოსვლისას, უკრაინის პრეზიდენტმა ვოლოდიმირ ზელენსკიმ მოუწოდა ევროპას, „სრულიად შეაჩეროს“ რუსული ნავთობის გადაზიდვები, კერძოდ, რუსეთის ჩრდილოვანი ფლოტის ტანკერების შეჩერებით.

უკრაინის პრეზიდენტმა განაცხადა, რომ ევროპა „თავს არიდებს ზომებს“, რომლებიც განსაზღვრავს მის მომავალს. ამ კონტექსტში მან ახსენა რუსეთის ჩრდილოვანი ფლოტი, რომელიც კონტინენტს რუსული ნავთობით ამარაგებს.

ზელენსკიმ განაცხადა, რომ აშშ-ის პრეზიდენტი დონალდ ტრამპი აჩერებს რუსულ ტანკერებს.

„ევროპას უყვარს მომავლის განხილვა, მაგრამ თავს არიდებს დღეს ისეთი ქმედებების განხორციელებას, რომლებიც განსაზღვრავს, თუ როგორი მომავალი გვექნება. ეს არის პრობლემა. რატომ შეუძლია პრეზიდენტ ტრამპს შეაჩეროს ჩრდილოვანი ფლოტის ტანკერები და შეაჩეროს ნავთობის მიწოდება, ევროპას კი არა?“ - ჰკითხა პრეზიდენტმა ფორუმის მონაწილეებს.

ზელენსკიმ ხაზგასმით აღნიშნა, რომ რუსული ნავთობის მიწოდების შეჩერებით ევროპა იცავს თავის მოსახლეობას.

„რუსული ნავთობი ევროპის სანაპიროებზე ტრანსპორტირდება. ეს ნავთობი უკრაინის წინააღმდეგ ომს აძლიერებს, ეს ნავთობი ევროპის პარალიზებას უწყობს ხელს. ამიტომ, რუსული ნავთობი უნდა შეჩერდეს, კონფისკაცია განხორციელდეს და ევროპაში გაიყიდოს. რატომაც არა? თუ პუტინს ფული არ ექნება, მაშინ ევროპისთვის ომი არ იქნება“, - განაცხადა ზელენსკიმ.

ფორუმზე გამოსვლამდე უკრაინის პრეზიდენტი თავის ამერიკელ კოლეგას, დონალდ ტრამპს შეხვდა.

ზელენსკის და ტრამპს შორის შეხვედრა ცოტა ხნის წინ დასრულდა და დაახლოებით 50 წუთი გაგრძელდა. ზელენსკის გუნდმა მას „კარგი“ უწოდა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი