საფრანგეთის პრეზიდენტმა ემანუელ მაკრონმა განაცხადა, რომ ცეცხლის შეწყვეტის შემდეგ უკრაინაში მშვიდობის შესანარჩუნებლად შესაძლოა რამდენიმე ათასი ფრანგი ჯარისკაცი განლაგდეს.

მის სიტყვებს Franceinfo ციტირებს.

მაკრონმა განაცხადა, რომ ცეცხლის შეწყვეტის შესახებ შეთანხმების ხელმოწერის შემდეგ საფრანგეთის არმიის „რამდენიმე ათასი ჯარისკაცი“ რუსეთ-უკრაინის საზღვრის კონტროლის ოპერაციებში მიიღებს მონაწილეობას.

„ეს ძალები საბრძოლო ოპერაციებში არ მიიღებენ მონაწილეობას“, - ხაზგასმით აღნიშნა საფრანგეთის პრეზიდენტმა.

მაკრონმა ასევე დასძინა, რომ მისი ქვეყანა უკრაინის არმიის აღდგენაში მიიღებს მონაწილეობას.

როგორც ცნობილია, „გადამწყვეტი კოალიციის“ შემდეგ, იტალიის პრემიერ-მინისტრმა ჯორჯია მელონიმ განაცხადა, რომ მისი ქვეყანა უკრაინაში ჯარებს მომავალი უსაფრთხოების გარანტიების ფარგლებში არ გაგზავნის.

ბელგიის პრემიერ-მინისტრმა ბარტ დე ვევერმა განაცხადა, რომ ომის დასრულების შემდეგ, მისი ქვეყანა უკრაინაში მშვიდობის შესანარჩუნებლად საჰაერო და საზღვაო ძალებს გამოყოფს.

შვედეთის პრემიერ-მინისტრმა ულფ კრისტერსონმა განაცხადა, რომ მისი ქვეყანა მზადაა, რუსეთთან სამშვიდობო შეთანხმების ხელმოწერის შემდეგ უკრაინას Gripen-ის გამანადგურებლები და შავი ზღვის განაღმვის რესურსები მიაწოდოს.

ასევე, „მტკიცე ნების კოალიციის“ წევრებმა, უკრაინამ და ამერიკის შეერთებულმა შტატებმა, ხელი მოაწერეს ერთობლივ დეკლარაციას უკრაინაში სტაბილური და ხანგრძლივი მშვიდობისთვის უსაფრთხოების გარანტიების შესახებ.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს