2015-08-17 10:42:29, 1145 ნახვა
მსოფლიო
მაშველებმა ინდონეზიაში ჩამოვარდნილი თვითმფრინავის ნამსხვრევებს მიაგნეს
ინდონეზიის მთავრობის ინფორმაციით, სამაშველო სამსახურის წარმომადგენლებმა ნამსხვრევები შეამჩნიეს, რომლებიც, სავარაუდოდ, პაპუას რეგიონში ჩამოვარდნილ სამგზავრო თვითმფრინავს ეკუთვნის.
BBC-ის ცნობით, ნამსხვრევები ოკსიბილიდან რამდენიმე კილომეტრში შეამჩნიეს. აღნიშნულ რეგიონში უკვე გაგზავნილია სამძებრო სამსახურები.
ავიაკომპანია "Trigana Air Service"-ის თვითმფრინავთან კავშირი კვირას, შუადღისას გაწყდა. ლაინერი ჯაიაპურა-ოკსიბილის რეისს ასრულებდა.
ბორტზე 54 ადამიანი იმყოფებოდა, მათ შორის, 5 ეკიპაჟის წევრი და 5 არასრულწლოვანი. ავიაკატასტროფის შედეგად თვითმფრინავში მსხდომი ყველა ადამიანი დაიღუპა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
