2015-06-09 17:44:56, 1244 ნახვა
სხვადასხვა
მაკარტნის კონცერტზე ცოლ-ქმარი საქართველოს დროშით სცენაზე ავიდა და პოლი თბილისში დაპატიჟეს
7 ივნისს ამსტერდამში Ziggo Dome-ის არენაზე გამართულ პოლ მაკარტნის კონცერტზე დარბაზში მყოფი ერთ-ერთი ცოლ-ქმარი საქართველოს დროშით სცენაზე ავიდა. მამაკაცმა განაცხადა, რომ მას ვალენტინ სულაბერიძე ჰქვია, ქალმა კი თქვა, რომ ისინი ერთმანეთს მოსკოვში მაკარტნის კონცერტზე შეხვდნენ. „ჩემს მომავალ ქმარს თქვენს კონცერტზე შევხვდი მოსკოვში და ძალიან ბედნიერი ვარ“, - აღნიშნა ქალმა, რომელსაც ოლგა ჰქვია. სცენაზე ატანილ საქართველოს დროშაზე შემდეგი წარწერა იყო - „პოლ, ჩამოდი საქართველოში ან ჩვენს დროშაზე ავტოგრაფი მაინც დატოვე“. პოლ მაკარტნიმ დროშაზე საკუთარი ავტოგრაფი დატოვა. მომღერალმა ხელი სცენაზე ასული ქალის მკლავზეც მოაწერა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
