„იური ვაზაგაშვილის მკვლელობა, - ეს არის თითოეული ჩვენგანის გამოწვევა“, - ასე გამოეხმაურა „პატრიოტთა ალიანსის“ გენერალური მდივანი ირმა ინაშვილი იური ვაზაგაშვილის გარდაცვალებას.

ინაშვილის თქმით, ქართველი ხალხის ოცნება არ ყოფილა შვილის საფლავზე ვაზაგაშვილის აფეთქება.

„პატრიოტთა ალიანსის“ გენერალური მდივანი ვადამდელი საპარლამენტო არჩევნების ჩატარებას ითხოვს

„იური ვაზაგაშვილის მკვლელობა,- ეს არის თითოეული ჩვენგანის გამოწვევა. ეს არის ჩემი, ირმა ინაშვილის გამოწვევა, ია მეტრეველის გამოწვევა, ჯამბულ გამცემლიძის გამოწვევა, ყველა იმ ქართველის გამოწვევა, ვინც 2 წელია სამართლიანობის აღდგენას და დამნაშავეების დასჯას მოითხოვს. ჩვენი ქართული ოცნება არ ყოფილა შვილის საფლავზე ვაზაგაშვილის აფეთქება... ჩვენი ქართული ოცნება არ ყოფილა სადისტების და მანიაკების აღზევება... ჩვენი ქართული ოცნება არ ყოფილხართ თქვენ, ვინც 2 წელია კოჰაბიტაციის პროგრესულობასა და სიკეთეში გვარწმუნებდით. მეტს გეტყვით, ვაგაზაშვილით არ დასრულდება. გაგრძელდება. ვინ იცავს ჩვენს საზოგადოებას გაექსპერტებული მკვლელებისაგან? გაპოლიტიკოსებული "ზონდერებისაგან"? თანამდებობებზე დაწინაურებული ნაცისტებისგან? დატოვეთ ხელისუფლება, დანიშნეთ ვადამდელი საპარლამენტო არჩევნები!“, - აცხადებს ირმა ინაშვილი.

ცნობისთვის, იური ვაზაგაშვილი რამდენიმე საათის წინ, შვილის, ზურაბ ვაზაგაშვილის, საფლავზე აფეთქდა. ის ადგილზე გარდაიცვალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს