„საჭიროა მეტი გონიერება, რათა გავიგოთ ანტისახელმწიფოებრივი განცხადებების უკან ერთი პიროვნება დგას თუ ორგანიზაცია“, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა  პაატა ზაქარეიშვილმა „ექსპრესნიუსთან“  საუბარში  სირიაში მებრძოლი ქართველი რადიკალი მუსლიმის მიერ საქართველოს მიმართ  გავრცელებული მუქარის შემცველ განცხადებებთან დაკავშირებით  აღნიშნა. 

მინისტრი თქმით, ყველა ასეთი ტიპის განცხადება კონტროლს ექვემდებარება და  საქართველოს მას შიშით არ შეხვდება.

„დარწმუნებული ვარ ყველა ამ ტიპის განცხადება კონტროლს ექვემდებარება. მაგრამ, არამგონია სახელმწიფო ამ განცხადებებს შიშით შეხვდეს. საჭიროა მეტი გონიერების გამოჩენა და შესწავლა, თუ რა დგას ამ განცხადებების უკან, ეს ერთი პიროვნებაა თუ ორგანიზაცია. შესაბამისად, სახელმწიფო ნებისმიერი გამოწვევისთვის მზად უნდა იყოს“, – განაცხადა ზაქარეიშვილმა. 

შეგახსენებთ, ბათუმელმა რადიკალმა მუსლიმმა, 27 წლის თამაზ ჭაღალიძემ, რომელიც სირიაშია და საბრძოლო მოქმედებებში  მონაწილეობს, საქართველოში მცხოვრებ ქრისტიანებს და სამღვდელოებას მუქარის წერილით მიმართა. 

„საქართველოს ქააფირებს მივმართავ ვინც ისლამისა და მუსლიმანების წინააღმდეგ რამე ჩაიდინეთ ნატო-ს მისიებით ერაყში, ავღანეთში, აფრიკაში, თუ საქართველოში ლაფანყურში, პანკისში, გურიაში, აჭარაში, ჯავახეთსა თუ სხვა რეგიონებში, ყველა ფაქტი გვახსოვს. გაფრთხილებთ!  არ გაბედოთ, რომელიმე მუსლიმ ძმაზე ხელის აღმართვა ან, რომელიმე მეჩეთზე, ან ნებისმიერ თემაზე, სადაც ისლამი ურევია, თორე ერთ დღეს, რომ საქართველოში შავი დროშები აფრიალდება გასაქცევს მოძებნით. გპირდებით დაჩოქილ ვედრებას დაგაწყებინებთ ტელევიზიით. გაჩენას ინანებთ, თქვე, ვირთხებო თქვენა“, – წერს თამაზ ჭაღალიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი