პარტია "თავისუფალი დემორკატების" წევრ მაია ფანჯიკიძისთვის უცნობია, რას შეიძლება უკავშირდებოდეს მისი თანაგუნდელის ალექსი პეტრიაშვილის დაჭრა.

როგორც ფანჯიკიძემ "ექსპრესნიუსს" განუცხადა, იმედი აქვს, სამართალდამცავი ორგანოები ყველაფერს გააკეთებენ იმისათვის, რომ უსწრაფესად დადგინდეს,  რა მოხდა.

"აბსოლუტურად არაფერი არ ვიცი, რა მოხდა და როგორ მოხდა.  ვიცი, რომ არის რესპუბლიკურ საავადმყოფოში და არის დაჭრილი. იმედი მაქვს, სამართალდამცავი ორგანოები ყველაფერს გააკეთებენ იმისათვის, რომ უსწრაფესად ვიცოდეთ, რა მოხდა. არავინ არაფერი არვიცით",-განაცხადა მაია ფანჯიკიძემ.

 ალექსი პეტრიაშვილს   ამ დროისთვის რესპუბლიკურ საავადმყოფოში   ოპერაცია უტარდება.

შეგახსენებთ, დღეს თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს.

გამოძიების წინასწარი ინფორმაციით, თავდასხმის მომენტში ალექსი პეტრიაშვილი ყოფილი დიპლომატის - ლევან მიქელაძის საფლავზე სამ მეგობართან ერთად იმყოფებოდა.

მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა.

შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება